Er það ekki GAZ bílaframleiðandinn...

sem tekur þátt í þessum kaupum?

En sá framleiðandi hefur framleitt Volgu bíla og Rússajeppana í áratugi.

http://eng.gazgroup.ru/

ágætu blaðamenn... eigum við ekki að taka upp þann sið að renna því í Google ef við erum ekki vissir?

Rússar vilja Opel

Eitthvað undarlegt við þetta...

við þetta mál.

Ég get nú byrjað á að segja að það er hættulaust að borða svona "mengað" kjöt einu sinni. Enda sest efnið í fituna og flest skerum við hana frá. Þannig að við gætum hugsanlega innbyrt eitthvað magn með beikoni. En það er samt að meinalausi í eitt eða tvö skipti. Enda eru svona viðmið sett til að óhætt sé að neyta kjötsins alla ævi.

En það sem mér finnst svo skrítið er að svínin skuli vera með svona mikla mengun, þar sem þetta eru dýr sem lifa mjög stutt og því hafa þau varla tækifæri til að innbyrða svona mikið magn nema þeim sé beinlínis gefin gömul spennaolía.

Svo er þetta efni PCB ekki eitthvað sem vex á trjánum. Þetta er efni sem verður eingöngu til fyrir tilstuðlan mannanna sem hliðarefni í efnaframleiðslu. Þannig að ekki rignir því á kornakra eða Soja akra. Auk þess sem þetta er fituleysanlegt efni en ekki vatnsleysanlegt. Þannig að það er eitthvað bogið við að þetta sé í fóðri dýrana.

Svo voru fréttir af því að einhver svínabú hafi verið sett í sóttkví?!?!?!

Þetta er engan vegin smitandi efni.

Þannig að mín skoðun sé að annaðhvort sé þetta EKKI díoxíðmengun, eða að þetta sé manna verk. Annaðhvort skemmdarverk eða fáránlegt gáleysi einhverra. Gáleysi eins og setja korn í lest á skipi sem flutti síðast gamla spennaolíu. Eða einhver ruglað saman tunnu með íblöndunarefni fyrir fóður og tunnu sem inniheldur iðnaðarafganga.

Við hér á landi þurfum tæplega að hafa áhyggjur, enda treysti ég því að Matvælastofnun taki nú þau sýni af svínafóðri sem hún hefur og athugi með PCB mengun.

Samskonar fóður notað á N-Írlandi

Hvað haldið þið...

... að það líði langur tími þar til að Pútín verði aftur forseti?

Maður á auðvelt með að sjá fyrir sér að Medvedev langi til að fara bara og slaka á í sólinni við Svartahaf. Eða kíkja á pöbbarölt í Evrópu. Segja af sér vegna heilsufars.... eitthvað.

En mig grunar nú að Pútín bíði ekki lengi með að koma sér aftur í forsetastól.

Hvað heldur þú?

Forsetafrumvarp samþykkt á rússneska þinginu

Stór undarleg...

...fréttamennska hjá fjölmiðli sem vill láta taka sig alvarlega. Fyrir utan þá staðreynd að "fréttin" er skrifuð nafnlaust, þá er hún full af staðhæfingum og tilvitnunum, sem þó eru ekki höfð eftir neinum og ekki hafðar á milli gæsalappa. Þó að þær séu merktar t.d. með tvíkommu.  Það sem er skáletrað hér á eftir er orðrétt af vef ruv.is

Innan Samfylkingarinnar er nú vaxandi krafa um að stjórnarsáttmáli ríkisstjórnarinnar verði endurnýjaður. Ríkisstjórnin verði að marka sér nýja framtíðarsýn til að slá á óróleikann í samfélaginu. Viðmælendur fréttastofunnar úr röðum Samfylkingarmanna eru sammála um að ríkisstjórnin verði að taka af skarið og marka skýra stefnu; stjórnarsáttmálinn sem stjórnarflokkarnir sameinuðust um í fyrravor heyri nú sögunni til.

Hvaða samfylkingarmenn sögðu þetta? Einhver nöfn? Eða er þetta kannski hugaburður fréttamannsins, sem engin veit hver er. Hversu margir voru spurðir? Hvernig stendur á að sáttmálin heyri sögunni til? og af hverju er þarna tilvitnun án þess að vitnað sé í einhvern?

Algjörlega nýtt umhverfi hafi orðið til hér 29. september þegar ákveðið var að yfirtaka Glitni og hinir bankarnir tveir, Kaupþing og Landsbankinn, sigldu í strand. Stjórnarsáttmálinn sé í engum takt við það sem nú blasi við.

Að áliti hvers? Voru það þessir leyni viðmælendur innan Samfylkingarinnar? Hugaburður fréttamannsins eða var það kannski 11 ára strákur sem sat fyrir aftan fréttamanninn í strætó á leiðinni í vinnuna í morgun?

Samfylkingarmenn hafa hvað eftir annað lýst því yfir að það þurfi að skipta um áhöfn í Seðlabankanum, mörkuð verði ný peningamálastefna og að alvarlega verði rætt um inngöngu Íslands í Evrópusambandið. Þessi mál hafa hins vegar ekki verið ofarlega á lista sjálfstæðismanna enda ekki stefna þessara ríkisstjórnar að ganga í ESB eða að taka upp evru.

Ekki man ég eftir endurteknum yfirlýsingum frá samfylkingarMÖNNUM um þörfina á áhafnaskiptum. Einn eða tveir hafa nefnt það einu sinni í upphafi, en það hefur ekki heyrst lengi. Flestir skynsamir einstaklingar sem ég hef talað við og hafa þá skoðun að skipta þurfi um bankastjóra Seðlabankans (aldrei heyrt neinn tala um að skipta um alla áhöfnina), telja að það eigi að gerast síðar, en ekki núna á meðan verið er að vinna úr bráðasta vandanum.

Með nýrri peningamálastefnu, á fréttamaðurinn við að skipt verði um gjaldeyri, eða eigum við að taka upp einhverja öðruvísi peninga en aðrar þjóðir? Kannski gullpeninga og silfurmynt? Það er svo aftur rétt að vilji sé fyrir því að „verði rætt um inngöngu í ESB.“ En ég hefur aldrei heyrt nokkurn mann segja að hann vilji ekki ræða þetta, eða að hann vilji ræða þetta í einhverjum fíflalátum! Þarna er fréttamaðurinn að vísa í það að allt tal um ESB sem segir eitthvað annað en að við eigum að ganga sambandið er „ekki alvöru“.

Vaxandi krafa er að viðræður milli flokkanna fari fram á allra næstu dögum um að saminn verði nýr stjórnarsáttmáli. Ríkisstjórnin verði að móta nýja stefnu og upplýsa almenning um hvert beri að stefna. Það verði að gera, ekki síst til að slá á óróann í samfélaginu.

Hverjir krefjast þess? Og hvar hafa þeir krafist þess? Get ég fengið að sjá þessa kröfu. Þessi "vöxtur" er hann fjölgun úr tveimur í þrjá.. eða?

Erfitt er hins vegar að spá um hvað gerist ef stjórnarflokkarnir ná ekki samstöðu um að breytta stefnu í mynt- og Evrópumálum. Ýmsir hafa talað um kosningar. Viðmælendur fréttastofu telja fæstir að gengið verði til kosninga á næstu vikum. Það myndi í fyrsta lagi gerast í vor. Þá er einnig bent á að Samfylkingin sjái ekki fyrir sér að auðveldara verði að ráðast í Evrópumálin þó að kosið yrði fyrr en ella. Innganga í ESB sé ekki augljós kostur flokkanna sem nú eru í stjórnarandstöðu. Því sé betra að fara í viðræður við sjálfstæðismenn um nýjan stjórnarsáttmála.

Erfitt að spá? Nei, það er ekki erfitt, það verður bara unnið áfram á þeim nótum sem unnið hefur verið eftir. En nú verður þetta athyglisvert, „telja fæstir að gengi verði til kosninga á næstu viku“. HVERJIR telja að það verði kosið á næstu vikum? Nú langar mig að sjá nöfn!

„Samfylkingin sjái ekki fyrir sér að“ Hver er samfylkingin? Til að geta fullyrt að Samfylkingin geti séð „eitthvað“ fyrir sér, þarf nú eitthvað meira en svona skot út í loftið. Svo mega lesendur útskýra eitt fyrir mér. Hvernig stendur á því að „Samfylkingarmenn“ (T.d. þriðja lína í fyrstu málsgrein) er skrifuð með stórum staf, en „sjálfstæðismenn“ (t.d. sjötta lína síðustu málsgreinarinnar) er skrifað með litlum staf?

Viðmælendur bloggarans innan fréttastofu Rúv segja að viðkomandi fréttamaður sé haldin áráttuhegðun sem lýsir sér í stjórnlausri andúð á Sjálfstæðisflokknum og botnlausri þörf til að þóknast fólki innan samfylkingarinnar, enda hafi viðkomandi fréttamaður lengi dreymt um að komast á framboðslista hjá samfylkingunni.

Þessi fullyrðing mín stendur jafn traustum fótum og fréttin sem Ríkisútvarpið Sjónvarp leyfði sér að birta nafnlaust á vef sínum.

Ágætu Íslendingar, ef þið haldið að valdhafar á Íslandi séu slæmir, hvernig er þá staðan hjá "fjórða" valdinu? Þar sem blaðamenn og vanabees hjá stjórnmálaflokkunum fá að skrifa svona fréttir athugasemdalaust. Enda er þetta ekki "frétt" heldur áróður sem er einskis virði þar sem engar heimildir eru á bakvið textann. Hvorki nafn þess sem samdi textann, né vísað í raunverulega heimildir um skoðanir ákveðinna einstaklinga eða um sé að ræða staðreyndir sem eiga sér stoð í raunveruleikanum.

Og svo taka aðrir fjölmiðlar þessa vitleysu upp og endurtaka þetta.

Vilja nýjan stjórnarsáttmála

Um var að ræða...

kafbát af Akula II class.

Ég ætla nú að leyfa mér að efast um að Rússar ætli sér að selja Indverjum þennan kafbát. Það er yfirlýst stefna Rússa að selja ekki kjarnorkuknúna kafbáta til annarra ríkja. Indverjar hafa vissulega keypt mikið af vopnum frá Rússum og eru í nánu samstarfi um þróun og smíði ýmissa vígtóla. Þá hafa þeir keypt dísil/rafmagns knúna kafbáta af Rússum.

Þessi Akula class kafbátar eru býsna mögnuð tæki. Vega 7.900 tonn fljótandi en 12.770 tonn í kafi. Akula I class eru um 108 metra langir, en Akula II class er 111,7 metrar. Knúnir áfram af einum kjarnaofn sem gefur einni sjö-blaða skrúfu 43.000 shp afl. En kafbáturinn getur siglt með 20 hnúta hraða á yfirborðinu en 28 - 35 hnúta í kafi. Þá hefur ofninn eldsneyti til að knýja bátinn áfram í 4.500 klukkustundir á fullum krafti. En kafbáturinn er með 63 manna áhöfn og hefur birgðir til 100 daga úthalds. Þá getur hann kafað af öryggi niður á 550 metra dýpi og fræðilega niður á 700 metra dýpi.

í slíkum bátum eru 4 x 650 mm skottúbur og 4 x 533 mm túbur. En úr þessum túbum geta þeir skotið eldflaugum til að granda skipum (Granat). Eldflaugum sem eru tundurskeyti (Stallion og Starfish) og geta grandað skipum eða kafbátum (Mk 40). Loftvarnareldflaugum (Strela) er líka hægt að skjóta úr þessum túbum. Þá er einnig hægt að setja SS-N-21 Sampson kjarnorku-eldflaugar um borð og skjóta þeim úr 533 mm túbunum. Þær draga allt að 3.000 km og geta hitt skotmark með +/- 150 metra nákvæmni. En einnig er hægt að setja 200 kt kjarnaodd í Stallion og Starfish tundurskeytaeldflaugarnar.

Akula kafbátar eru svolítið mögnuð fyrirbrigði. Þeir hafa þá sérstöðu að hafa tvöfalda byrðing, sem gerir þá mun hljóðlátari en sambærilegir kafbátar eru. En skilrúmið á milli er óvenju breitt, sem gerir kafbátinn líklegri til að þola skemmdir, en einnig gefur þetta kafbátnum mjög aukna flotgetu, þar sem bilinu er skipt í 8 hólf sem hægt er að nota sem flothólf (ballast tanks). Sovétmenn fóru þessa leið með tvöfalda byrðinginn eftir að í ljós kom að þeir réðu ekki við að framleiða mikið af kafbátum með titanium byrðingi (Sierra class).

 

Kjölur af þremur Akula II class kafbátum var lagður, en aðeins einn var kláraður, en hann var sjósettur 1992 og tekin í notkun 2001. Smíði á hinum tveimur lá niðri eftir fall Sovétríkjanna og kreppuna. En greinilegt er að smíði þeirra hefur verið haldið áfram. 16 Akula class kafbátar voru smíðaðir, en aðeins 8 þeirra eru í notkun, 5 hjá 24. kafbátadeildinni í Norður Atlantshafi (auk þessa eina Akula II class kafbáts) en svo eru 3 hjá 10. kafbátadeildinni í Kyrrahafi. Einhverjir þeirra hafa fengið uppfærslur. En þessir 7 Akula class sem voru smíðaðir og eru ekki skráðir í notkun liggja sennilegast á Kólaskaga og ryðga.

Slys í kjarnorkukafbát

Hvar er fólkið sem vill ganga í ESB?

Þetta er ágætis vísbending um hver okkar staða væri innan ESB.

Peð sem skiptir engu máli og yrði traðkað á af þeim sem stærri eru þegar þeim hentar.

Og það yrðu allir stærri en við.

IMF-beiðni frestað

Eigum við að...

fara í þennan hana slag?

Mér er að mestu runnin reiðin vegna framferðis Breta og get jafnvel réttlætt eitthvað af því sem þeir gerðu.

Ef við hugsum málið aðeins, segjum að erlendur banki væri hér á landi, ég og þú, Jónar og Gunnur þessa lands hefðu lagt ævisparnaðinn inn á reikning hjá bankanum. Svo færi hann á hausinn. Væri ekki dálítið eðlilegt að við myndum leggjast svolítið lágt til að tryggja að Jónar og Gunnur þessa lands fengju peningana sína aftur?

Svo eru önnur mál sem eru bara glæpsamlegt athæfi, í besta falli klaufaleg skemmdaverk.

En ég held að við yrðum menn af meiru ef við færu ekki í einhvern hana slag við Breta. Ég held að það sé ekki rétt að taka þessa fjármáladeilu og blanda henni inn í Evrópuöryggi og jafnvel önnur svið.

Ég held að við getum treyst því að breskir dómstólar munu vera sanngjarnir í dómum sínum þegar við förum í mál við bresk stjórnvöld. Til þess eru dómstólar og þeir munu ekki draga taum landsins, hafi lög verið brotin. Svo eru margar aðrar leiðir fyrir okkur að leita réttar okkar.

Verum gæinn í deilunni sem heldur kúlinu og æsir sig ekki upp... (mér finnst þeir alltaf flottari og koma betur út).

Höfum ekki sagt NATO að Bretar séu óvelkomnir

Mun þá svissneski frankinn hrynja eins og krónan?

Maður getur ekki hjá því komist að hugsaum þau áhrif ef frankinn félli, hafandi í huga að hversu mikið af lánum Íslendinga er í svissneskum frönkum. 33 - 50% eru algengar tölur í þessum erlendum lánum.

En það er ljótt að vonast eftir að frankinn falli okkur í hag. Auðvitað vonum við öll að þeir í Sviss lendi ekki í því sama og við og að frekari kreppa verði ekki í heiminum. Við tökum hag heildarinnar fram yfir okkar smálega hag.

Er Sviss næsta Ísland?

Bakslag eða kreppa?

Ég er ekkert viss um að vandamálið (kreppan) sé raunverulegt risa vandamál. Meira tímabundið bakslag.

Það virðist vera að koma mynd á  stöðuna, núna þegar rykið er að falla. En án þess að ég fullyrði nokkuð, þá sýnist mér að vandamálið sé ekki "vandamál" sem slíkt.

Það sem gerðist var að þessi þrjú fyrirtæki sem sáum um gjaldeyrisviðskipti okkar við önnur lönd, fóru með hvell á hausinn. Við kipptum innlendri starfsemi út úr batteríinu og sú starfsemi er að komast í gang aftur. Erlenda starfsemin er farinn á hausinn, en vegna nýlegra laga, þá munu innlánsreikningar þeim sem þjóðin er í ábyrgð fyrir, að mestu leiti verða borgaðir með eignum, þar sem þeir eru forgangskrafa. Annað er bara enn eitt gjaldþrotið í sögu fjármála í heiminum.

Á meðan nýju bankarnir eru að koma starsemi sinni í gang aftur, eru hikstar í gjaldeyrisviðskiptum, en ég er að komast á þá trú, að þegar rennslið er komið í gang á eðlilegan hátt, þá eigi gengi krónunnar eftir að styrkjast mjög. Enda var vöruskiptajöfnuður sl mánaðar nærri jafnvægi. Þá mun það spila inn í að engin tekur stöðu gegn krónunni í dag, engin banki er að spila á gengið til að bæta ársfjórðungsuppgjör sitt og það sem er um mest, er að þjóðin er kominn í kreppugír. Það verður ekkert keypt nema það verði staðgreitt og brýn þörf sé á því.

Hvað varðar verðbólguspá Dananna, þá ætla ég að benda á eitt smáatriði, til að geta skapað slíka verðbólgu, þá þurfa laun að hækka í takt til að fóðra verðbólguna. Getur einhver lesandi hérna bent á einhverja manneskju sem ætlar sér að fá launahækkun næstu 12 mánuði???

Ef ekki verða launahækkanir, þá munu þær vörur sem eru að hækka eitthvað óeðlilega, hreinlega vera sniðgengnar. Þar af leiðandi verða þær ekki keyptar og hverfa út af markaðnum og verðbólgan með þeim. Vörur eins og olía hafa lækkað stórlega, innlendar matvörur eru framleiddar (lambakjöt, grænmeti, hey í mjólkurframleiðslu) og því munu þær ekki standa fyrir frekar hækkunum að ráði fyrr en á næsta ári. En auðvitað verður einhver hækkun vegna gengismunar. Erlend matvara er þegar búin að taka út mikla hækkun og skríði gengið lítilsháttar í rétta átt, þá er hækkunin sára lítil. Nú húsnæði, sem við erum með í verðbólgutölum, er EKKI á leiðinni að hækka og verður húsnæði því ankeri sem kemur til með að halda verðbólgu niðri, ásamt lækkandi olíuverði.

En þegar við drögum stórlega úr neyslu erlendrar vöru, en flytjum jafn mikið út og áður. Þá getur gengið ekki annað en styrkts. Annað væri bara brot á náttúrulögmálum.

Verður að leyfa okkur að fylgjast með!

Það verður að leyfa okkur að fylgjast með!!! Ekki hægt að koma með einhverja svaka fína samninga... reddingar. Ég vil sjá eftirfarandi spurningum svarað fyrir nóttina:

1. Hvað er heildarupphæð innistæðureikninga IceSave í Hollandi?
2. Hver er heildarupphæðin með þessum 20.887 evru mörkum.
3. Hvað ber þetta lán háa vexti? (hvað kostar þetta skattgreiðendur á hverju ári).
4. Hvað er lánið til langs tíma og hvernig greiðist það niður.
5. Hvað á Landsbankinn miklar eignir í Hollandi upp í þessa skuld?
6. Er fullreynt að selja þessa reikninga og takmarka tjónið?

Svo vil ég fá samskonar svör fyrir önnur lönd sem við erum í ábyrgð fyrir.  

Ég verð að bæta við viðtali sem nú er sýnt á vefnum hans Egils á Eyjunni.

Ef ég skil þetta rétt, þá var Holland ekki "nema" helmingurinn af Bresku innlánunum.

Þetta er geðbilun...

Samkomulag náðist við Holland